S.Seıfýllın atyndaǵy ýnıversıtet ǵalymdary kirpishtiń jańa túrin oılap tapty. Innovasııalyq ónimniń basty artyqshylyǵy - kirpishtiń quny tómen, naryqtaǵy kirpishterge qaraǵanda myqty, ekologııalyq ónim. Oǵan qosymsha, atalǵan tehnologııanyń naryqtaǵy ózektiligi - kirpish óndirý úshin jańa kompozısııalyq materıaldardy paıdalaný tehnıkalyq jáne ekonomıkalyq turǵydan negizdelgen. Bul tutynatyn materıaldy azaıtyp qana qoımaı, óndiris shyǵyndaryn 20% -dan astamǵa tómendetip, kirpishtiń sortyn 50-den 250 MPa-ǵa deıin arttyrady, dep habarlaıdy Egemen.kz.
Tehnologııanyń biregeıligi men jańalyǵy - Ekibastuz kómiriniń kúlin kádege jaratý arqyly gıperpresstelgen kirpish óndirý tehnologııasyna jańa materıaldar men qalyptaý rejımderi paıdalanylady.
Bul úshin qural-jabdyqtar tolyǵymen alynyp, sehqa jeli ornatyldy. Qazir óndiristik júıe iske qosylyp, qajetti shıkizat pen materıaldar jetkizilip jatyr. GOST 1078, GOST 31108 sáıkes óndiriste qoldanylatyn baılanystyratyn materıaldardy synaý boıynsha tıisti tájirıbe jasaldy. Quramynda óndiriske qajetti sement pen kúli bar kompozısııalar synaqtan ótti. Kirpishke arnalǵan qospalardyń tehnologııalyq parametrleri anyqtalyp, qalypty tyǵyzdyq, kúl men kúldi qosatyn sement pastasy fızıkalyq-mehanıkalyq synaýlar arqyly, al, kúldiń túsýin baqylaý óndiriste qoldanylatyn qospalardyń qaýipsizdigin kórsetetin rentgen-flýoressensııalyq taldaý arqyly júrgizildi.
Shıkizattardyń, qospalardyń jáne shyńdalǵan materıaldardyń parametrlerin baqylaý belgili standarttalǵan ádister boıynsha: GOST 30744-200, GOST 10178, GOST 3108, GOST 8736-2014 arqyly júrgizildi. Shıkizat sapasynyń barlyq kórsetkishteri sement úlgileriniń maıysý jáne syǵymdalýyn synaý arqyly anyqtaldy. Barlyq ónimdilik kórsetkishteri fızıkalyq jáne hımııalyq taldaý derekterimen jáne joǵary qysymdy elektrondy mıkroskopııalyq derektermen rastaldy.
О́nimder naryqqa shaǵyn jáne orta bıznes ókilderiniń qatysýymen «Astana Garant Consulting» JShS semınary arqyly shyǵarylady.
2024 jylǵa: tehnologııalyq kórsetkishterdiń sapasyn qamtamasyz etý, gıperpresstelgen kirpish óndirýdiń tehnologııalyq reglamentin daıyndap, ónimdi synaý jáne sertıfıkattaýǵa ázirlep, daıyn ónimdi ótkizý mindetteri qoıyldy. Qazir ónimdi sertıfıkattaý jumystary aıaqtalýǵa jaqyn.
Satyp alynǵan jabdyqtyń boljamdy ótelý merzimi jeli tolyq iske qosylǵannan keıin 9,7 aıdy quraıdy. Smetalyq quny bir dana kirpish úshin 64 teńgeden. Satylym baǵasy boıynsha bir kirpish úshin quny 90 teńgeden bastalady.
Ishki naryqtyń kirpishke degen suranysynyń nebári 62 paıyzy ǵana ótelgen. Al, qurylys materıaldary boıynsha suranystaǵy kirpishtiń úlesi 71 paıyzdy quraıtynyn eskere otyryp, kirpishke degen suranystyń óte joǵary ekenin baıqaýǵa bolady. О́nimder ishki naryqqa arnalǵandyqtan, Aqmola, Qyzylorda, Túrkistan, Jambyl oblystarynyń bazarlaryna kirpish ónimderin jetkizý josparlanýda.
S.Seıfýllın atyndaǵy QazATZÝ ǵalymdardyń aıtýynsha, gıperprestelgen kirpishter óndiris qaldyqtaryn paıdalaný arqyly qorshaǵan ortany qorǵaýǵa da aıtarlyqtaı úlesin qospaq. Bir sózben aıtqanda, resýrstardy utymdy ári tıimdi paıdalanýdy kózdeıdi.